Njëkohësim shfletuesish Firefox

Me Firefox-in, mund të vazhdoni atje ku e latë, kur kaloni nga kompjuteri desktop te telefoni juaj celular apo tableti juaj. Firefox-i ju lejon të shihni faqerojtësit tuaj, historikun tuaj të shfletimeve, fjalëkalimet tuaj të ruajtur, etj, pavarësisht nga pajisja që po përdorni.

Regjistrohuni për një Llogari Mozilla falas dhe do të jeni në gjendje të njëkohësoni të dhënat tuaja kudo ku përdorni Firefox dhe produkte të tjerë Mozilla.

Krejt të dhënat tuaja janë të fshehtëzuara në shërbyesit tanë, ndaj s’mund t’i lexojmë – vetëm ju mund të hyni në to. Informacionin tuaj s’e shesim për reklamues, ngaqë kjo do ishte kundër premtimit tonë për privatësinë e të dhënave.

Dërgoni skeda nga një pajisje në tjetrën

Veçoria Dërgoni Skedë në Firefox ju lejon të dërgoni faqe nga Firefox në një pajisje te pajisje të tjera (f.v., një pajisje iPhone, iPad apo Android). Hasët një artikull teksa shfletonit në telefonin tuaj që doni ta lexoni kur të ktheheni në desktopin tuaj? Apo një dokument të rëndësishëm nga puna që doni ta ruani për kur të jeni në shtëpi? Ndoshta gjetët një recetë në portativin tuaj që doni ta dërgoni te tableti juaj në kuzhinë. Dërgojeni pra!