پن تھیاں براؤزر ٹیباں

Firefox وِچ ٹیب کوں چِمٻاڑݨ نال تُساں آپݨی مَن بھان٘دی سائٹاں کوں ہمیشاں کُھلّا رکّھݨ اَتے ہِک کلک دی وِتّھ اُتّے رکّھݨ دی اجازت ݙین٘دے ہِیوے۔ جہڑیلے تُساں Firefox شروع کریسو تاں اُوہ خود کار طریقے نال کُھل ویسِن۔ اَساں اِنّھاں کوں خاص طور تے ای میل اَتے کلینڈر ویب سائٹاں جیہیں شئیں کوں ہمیشاں ہَتھ وِچ رکّھݨ کِیتے مُفید سمجھیا ہِے۔

اُوہ نِکڑے ہِن، اَتے تُساں اِنّھاں کوں حادثاتی طور تے بند نِھیوے کر سڳدے کیوں جو اِنّھاں دے کول بند بٹݨ کائنی۔ اِین٘دے بجائے، تُہاکوں اِنّھاں کوں غیر چِمٻڑیا کرݨاں پوسی۔

تُساں ݙیکھ سڳدے ہِیوے جو تُہاݙے چِمٻاڑے ہوئے ٹیبز کݙݨ اَپ ڈیٹ تِھین٘دے ہِن، مثال دے طور تے، ڄیکر تُہاکوں کُئی نواں ای میل یا براہِ راست پیغام مِلدا ہِے۔

ڄیکر تُساں آپݨے چِمٻاڑے ہوئے ٹیب دے اندروں کئی لِنک اُتّے دبین٘دے ہِیوے، تاں Firefox لِنک کوں خود کار طریقے نال ہِک وَکھ، نویں ٹیب وِچ کھول ݙیسی تاں جو تُہاݙا چِمٻاڑیا ہوئیا ٹیب ہمیشاں کِیتے جِین٘دا رہوے (یا جہڑیلے تئیں تُساں اِیکوں غیر چِمٻڑیا نِھیوے کرین٘دے)۔