Firefox فنگر پرنٹنگ کوں بلاک کریندے
فنگر پرنٹنگ کیا ہے؟
فنگر پرنٹنگ آن لائن ٹریکنگ دی ہک ونکی ہے جیڑھی عام کوکی تے مبنی ٹریکنگ کنوں زیادہ ناگوار ہے۔ ہک ڈیجیٹل فنگر پرنٹ اوں وقت بݨدا ہے جݙاں کوئی کمپنی تہاݙے کمپیوٹر ہارڈویئر، سافٹ ویئر، ایڈ آنز تے اتنے تائیں جو ترجیحاں دی بنیاد تے تہاݙا منفرد پروفائل بݨیندی ہے۔ تہاݙیاں ترتیباں جیویں جو تساں جیڑھی سکرین استعمال کریندے او، تہاݙے کمپیوٹر تے انسٹال فونٹس، تے اتنے تائیں جو تہاݙے ویب براؤزر دا انتخاب، سبھے فنگر پرنٹ بݨاوݨ کیتے استعمال کیتے ونڄ سڳدے ہن۔
جے تہاݙے کول عام طور تے استعمال تھیوݨ والا لیپ ٹاپ، PC یا سمارٹ فون ہے، تاں فنگر پرنٹنگ دے ذریعے اپݨے آلے دی منفرد سنڄاݨ کرݨ مشکل تھی سڳدا ہے۔ بھل جو، تہاݙے کول جتنے زیادہ منفرد ایڈ آنز، فونٹس تے ترتیباں ہوسن، تہاکوں ڳولݨ اتنا ای آسان ہوسے۔ کمپنیاں معلومات دے ایں ہنوکھڑے امتزاج کوں تہاݙے فنگر پرنٹ بݨاوݨ کیتے استعمال کر سڳدیاں ہن۔ ایہا وجہ ہے جو Firefox معروف فنگر پرنٹنگ کوں روکیندا ہے، لہذا تساں اشتہارات دی پیروی کیتے بغیر وی اپݨیاں من بھانوݨیاں ایکسٹینشن، تھیمز تے حسب ضرورت استعمال کر سڳدے او۔
فنگر پرنٹنگ ویب کیتے گندا ہے
فنگر پرنٹنگ دی مشق تہاکوں مہینیاں تائیں ٹریک ٹریک کرݨ دی اجازت ݙیندی ہے، اتنے تائیں جو جݙاں تساں اپݨا براؤزر سٹوریج صاف کریندے او یا نجی براؤزنگ موڈ استعمال کریندے او — تہاݙی طرفوں واضح اشارے کوں نظر انداز کریندے ہوئے جو تساں ٹریک نہیں کرݨ چاہندے۔ معیاراں باڈیاں تے براؤزر وینڈرز دے درمیان قریب قریب مکمل معاہدے دے باوجود وینڈرز کہ فنگر پرنٹنگ نقصان دہ ایندا استعمال مستحکم ودھدا ہویا پچھلے ݙہاکے دے دوران۔
Firefox فنگر پرنٹنگ کوں بلاک کریندے
تازہ ترین Firefox براؤزر تہاکوں فنگر پرنٹنگ کنوں بچیندا ہے تے انہاں کمپنیاں دیاں تریجھے فریق درخواستاں کوں روک تے جیڑھا فنگر پرنٹنگ وِچ حصہ گھنݨ کیتے ڄاتیاں ویندیاں ہن۔ اساں اوں رازداری دے تحفظ کوں فعال کرݨ کیتے سخت محنت کیتی ہے جݙاں جو انہاں ویب سائٹاں کوں تروڑیا نہیں جنہاں دا تساں ملاحظہ کرݨ کنوں لطف اندوز تھیندے او۔ (اتھاں ودھیک پڑھو، جے تساں تکنیکی تفصیلاں چاہندے او۔)
تے ایہ کوئی گہری ترتیب کائنی جینکوں ڳولݨ کیتے تہاکوں ٹٹولݨ دی ضرورت ہے۔ تازہ ترین Firefox براؤزر وِچ، فنگر پرنٹ بلاک کرݨ معیاری، ڈیفالٹ ترتیب ہے۔ اپݨے پرائیویسی پروٹیکشنز ڈیش بورڈ تے ونڄو ایہ ݙیکھݨ کیتے جو پردے دے پچھوں تہاکوں کیویں ٹریک کیتا ویندا پیا ہے تے کیویں Firefox اونکوں روکیندا ہے۔
تساں شاید کہیں اینجھے ڄݨے دی تعریف نہ کریسو جیڑھا حقیقی زندگی وِچ تہاݙی ٹور تے نظر رکھے۔ اونکوں آن لائن قبول کرݨ دی کوئی وجہ کائنی۔ جے تہاݙے کول پہلے کنوں Firefox کائنی، تاں کرو تے اپݨے آپ کوں ڈیجیٹل فنگر پرنٹنگ کنوں محفوظ رکھو ۔
