Yer talents are needit fur a better internet
Mozilla is a non-profit organisation wirkin tae mak siccar that the internet is open and walcomin tae awbodie. And we need yer help. By jynin oor community, ye can help steer innovation, augment accoontability and trust and mak the internet a better place fur us aw.
How ye can inpit…
Owerset content
The internet is anely warldwide if it’s unnerstuid awwhaur. Help us owerset Mozilla products and wabsites intae yer local leid.
Inpit tae the Mozilla codebase
Actively impruive Mozilla products by inpittin tae a wheen o forderin opporchancities.
Individual and ongaun organisation
Help mak Mozilla products easy tae yaise. Answer fowk’s “hauners” speirins as pairt o the Mozilla Support Community forums.
Jyne the community
Want tae get mair involved in the Mozilla community? Check oot aw the volunteer opporchancities in oor Community Portal.
Oor Mission
Oor mission is tae mak siccar the internet is a global public resoorce, open and wi ingang fur aw. An internet that evendoon pits fowk first, whaur individuals can shape their ain experience and are empouered, sauf and independent.
Makkit by passionate fowk like yersel
When ye inpit tae Mozilla, ye become pairt o a warldwide community makkit up o fowk fae aroond the globe wha uphaud that we aw hae a pairt tae pley in makkin siccar that the internet bides as a force fur guid.
We uphaud that community collaboration is vital tae makkin an internet that is diverse, innovative, and accoontable tae the fowk that need it maist. Whether ye've a backgrund in tech, community organisin, or jist a computer and a bittie time on yer hauns, ye can help us mak the internet a better place.