Internett har blitt like viktig som straum og rennande vatn, så derfor er det viktigare enn nokon gong å velje den nettlesaren, som passar for deg. Internett er eit kontor nummer to, ein lærar og nokre gongar ein medisinsk rådgivar, sjølv om legen din ikkje likar at du slo opp symptoma dine på nettet.
På midten av nittitalet dominerte Netscape, Internet Explorer og AOL landskapet. Det var ei enkleare tid då den «vakre melodien» med oppringt internett ringde over heile landet. Du lærte kva tolmod tydde der du venta på at nettsidene skulle lastast inn. På den tida var nettlesarfart det eninaste som betydde noko.
I dag er det annleis. Annonsar, angrep på personvern, sikkerheitsbrot og falske nyheiter kan føre til at du ser på andre kvalitetar i nettleseren. Korleis beskyttar nettlesaren privatlivet ditt? Lar han sporfølgjarar følgje deg på nettet? Er han utvikla for fleiroppgåvekøyring og kan handtere mange data- og internettoperasjonar samtidig?
Dersom du lurer på kva det vil seie å ha ein privat eller rask nettlesar, er dette ei oversikt over tre ting ein nettlesar bør ha.
Ein nettlesar bygd for fart.
Ein nettlesar er framleis eit verktøy, så det er fornuftig at du vil velje den beste for jobben. Viss du er ein person som må jobbe for å overleve, treng du ein rask nettlesar. Ein ting å hugse på er at ein nettlesar som køyrer tredjeparts-sporarar er meir sannsynlig å vere tregare enn ein nettlesar som ikkje gjer det. Tredjeparts-sporarar er infokapslar, og sjølv om du ikkje kan sjå dei, køyrer dei i bakgrunnen på nettstaden, og tek opp dyrebar tid. Dess fleire tredjeparts-sporarar ein nettlesar blokkerer, dess raskare kan han køyre.
Dette er ein av mange grunnar til å velje nettlesaren Firefox: Firefox blokkerer sporarar frå tredjepart som standard. Vi har andre grunnar, og vi kjem til å gå inn på dei seinare.
Ein nettlesar som set sikkerheita først.
Kjem du i hug den siste store datalekkasjen? Viss ikkje, så er det sannsynlegvis fordi datalekkasjar skjer så ofte. Verksemder oppbevarer kundedata til dømes i form av personlege og økonomiske opplysningar - og hackarar stel opplysningane. Om du prioriterer sikkerheit, er ein sikker nettlesar den beste nettlesaren for deg.
Det er nokre måtar ein nettlesar kan hjelpe brukarane med å halde seg sikre på. Ein nettlesar som er oppdatert med den nyaste sikkerheits-teknologien kan bidra til å beskytte datamaskina og nettstadane dine mot uønskte besøkande, som til dømes skadeleg programvare eller datavirus.
Den andre er å ikkje lagre for mykje brukardata. Hackarar kan ikkje stele det som ikkje er der, og det er difor Firefox berre beheld ei viss minimum-mengd av informasjon om brukarane sine. Firefox veit om du brukar nettlesaren og den generelle plasseringa di men ikkje namnet på husdyra til borna dine, eller favorittfargen din.
Sist, men ikkje minst, bør ein sikker nettlesar tilby verktøy som hjelper deg med å halde auge med kontoane dine. Tenk på varsel som går rett til e-posten din viss nokon av kontoane dine blir brotne, eller ikon som fortel deg om ein nettstad er kryptert, (dvs. viss det er ein god idé å oppgi kredittnummeret ditt på eit shopping-nettstad).
Firefox tilbyr noko nytt for å halde deg trygg: Mozilla Monitor. Det er ei gratis teneste som vil varsle deg viss det er nokon offentlege hack på kontoane dine og gi deg beskjed om kontoane dine har vorte hacka tidlegare. Ein annan fin funksjon er den grøne låsen. Det ser ut som eit lite grønt ikon øvst til venstre i nettlesarvindauget. Viss du er på Firefox og ser den grøne låsen, betyr det at nettstaden er kryptert og sikker. Viss låsen er grå, kan det vere lurt å tenkje to gonger på å leggje inn sensitiv informasjon.
Ein nettlesar, som passar sine eigne saker.
Personvern på nettet er viktig for mange. Viss personvern er nummer éin på prioriteringslista di, vil du sjå etter ein nettlesar som tek det på alvor. Når du vel den beste private nettlesaren for deg, sjå på sporings-prinsippa og korleis ein nettlesar handterer dataa dine. Dette verkar som tekniske spørsmål, men dei er grunnen til at nokre nettlesarar er meir private enn andre.
Sporarar er alle dei irriterande «informasjonskapslar»-meldingane du får på nettstadane til flyselskapet. Desse tredjeparts-sporarane veit kvar du klikkar og kan brukast til å analysere åtferda di. Ein privat nettlesar skal gi brukarane høvet til å slå av tredjeparts-sporarar, men ideelt sett slå dei av som standard.
Ein annan måte å stoppe sporarar frå å spore er å bruke privat modus for å surfe. Alle nettlesarar som hevdar å vere private, bør tilby surfing i privat modus.
Ein enkel måte å sjekke på er å besøkje innstillingssida for innhald til nettlesaren, og personvernreglar. Personvern-nettsida bør angi om dataa dine blir delte og kvifor. Det er derfor Firefox personvernerklæringa er lett å lese og lett å finne.
Å velje den beste nettlesaren for deg er omtrent som å velje ein heim. Du vil utforske alternativa dine, gjere litt research og ta ei avgjerd basert på kva som er viktig for deg.
På Firefox har vi jobba hardt for å byggje ein nettlesar som er dobbel så rask som tidlegare,og som gjev brukarane større kontroll over sitt eige liv på nettet.