Akemmel n Umeskan Mozilla
Aseḥbiber ɣef Internet zeddigen
Internet yeldin, amaḍlan d taɣbalut n teqwalt akked umɛiwen tameqqrant ugar, uǧin tettwassen ar ass-a. Yegber kra n yisaramen-nneɣ igejdanen i usfari n umdan. Yettmuddu tignatin timaynutin n ulmad, d tneflit n uḥulfu n uttekki tucrikt ar talsa akked ferru n wuguren uzriben i d-ttmagaren yemdanen deg umaḍal.
Di mraw n yiseggasen ineggura, nwala amiru-agi iḍerru-d s waṭas n yiberdan. Nwala daɣen amek yezmer ad yettwaseqdec Internet akken ad yeglu s beṭṭu gar yimdanen, asiwem ar tekriḍt, asnerni n kaṛuh d ubeddel n tilawt. Nwala d akken yessefk ad nɛiwed tamuɣli deg wayen nessaram deg useqdec n Internet. Ad t-nxeddem akka tura.
- Nesseḥbibir ɣef Internet ara d-yegren akk iɣerfan n umadal : tawennaḍt anida ayen yessemgaraden imdanen ur yessefk ara ad isemgarad aseqdec n internet, ar tezmert yettunefken neɣ ar tɣara n termit srid.
- Negzem-itt di ṛṛay akken ad nseḥbiber ɣef internet yettmuddun tagnit i ummeslay aɣarim, isseɣ n umdan akken tilelli n ummeslay i yal yiwen.
- Nettmuddu afud i internet yessalayen azal n tiktiwin n usenqden, awal s ttbut, beṭṭu n tmussniwin akked usenqed n wayen iḍerrun.
- Nessiḥbibir ɣef internet yettmuddun afud i umwiwen gar tirebbaɛ akken ad izmirent ad xedment lwaḥid ɣef wayen yelhan.
10 nneɣ n imenzayen
-
Ansay 1
Internet yekcem d itudert n yal ass—d ajegu deg uselmed, taywalt, amɛiwen, iweẓla, zhu akked tmetti s umata.
-
Ansay 2
Internet d taɣbalut tamaḍlant tazayezt i yessefk ad teqqim teldi, tettwakcam.
-
Ansay 3
Yessefk internet ad yesnerni tudert n yal yiwen.
-
Ansay 4
Taɣellist akked tabaḍnit n yemdanen di internet d tagejdit, ur yessefk ara ad tuɣal d tafrayant.
-
Ansay 5
Yal yiwen ad yizmir ad yefṣel internet akken yebɣa, ad yesseqdec akken yebɣa.
-
Ansay 6
Tilawt n internet am teɣbalut tazayezt, tcudd ɣer temyigawt gar ineggafen, imasalen n isefka, agbur, asnulfu, akked uttekki amadlan yettwasrummsen.
-
Ansay 7
Iseɣẓanen ilelliyen akked wid n uɣbalu yeldin smenyifen taneflit n Internet am teɣbalut tazayezt.
-
Ansay 8
Ikalan ifrawanen yebnan ɣef tmezdagnut leddin tabburt i uttekki, tamasit akked teflest.
-
Ansay 9
Asefti azenzi di tneflit n internet ad d-yawi ddeqs n lfayda, rkad gar n lfayda tazenzit akked lfayda n yemdanen mačči d ayen fessusen.
-
Ansay 10
Asemɣeṛ d uzuzer n lfayda n internet i yal yiwen, hatan yeswi meqqren i yuklalen ad nger deg-s tamuɣli s wakud akked tezmert.