Dóstańće so na swojim iPhone a iPad spěšnišo tam, hdźež chceće być.
Wobhladajće sej swoje wočinjene rajtarki, zańdźene pytanja a najlubše sydła na jednym městnje z wobhladowakom Firefox Browser za iOS.
Wobstarajće sej Firefox za iOS
Skenujće QR-kod, zo byšće započał
Firefox k wašemu standardnemu wobhladowakej činić
Nětko móža wužiwarjo iPhone a iPad swójski standardny wobhladowak wubrać. To rěka, zo njetrjebaće Safari wužiwać a waš mobilny wobhladowak da so kóždy čas z wašim najlubšim desktopowym wobhladowakom synchronizować. Nimo toho, hdyž Firefox jako swój standardny wobhladowak nastajeće, podpěrujeće njewotwisne technologiske předewzaće. Firefox je tež jenički wulki wobhladowak, kotryž organizacija podpěruje, kotraž powšitkownosći słuži.
Spěšny. Priwatny. Wěsty
Dźeržće swoje wosobinske daty priwatne, bjeztoho zo byšće wysoku spěšnosć woprował. Nimo toho dadźa inteligentne přehladowanske funkcije móc, swoju priwatnosć, hesła a zapołožki wěsće wšudźe sobu wzać, štož waše žiwjenje online wosnadnja.
Wostańće priwatny online
Firefox wam wjetši škit priwatnosće skići, mjeztym zo sće w interneće. Po standardźe naš Polěpšeny přesćěhanski škit přesćěhowaki a skripty kaž přesćěhowaki socialnych medijow, sydła přesahace plackowe přesćěhowaki, kryptokoparjo a porstowe wotćišće blokuje.
Waša přehladowanska historija je historija
Jeli chceće móžeće cyle jednorje w priwatnym modusu online hić a pytać. A hdyž priwatny modus začinjeće, so waša přehladowanska historija a waše placki awtomatisce z wašeho grata zhašeja.
Wobstarajće sej wjace Firefox w swojim žiwjenju
Přidajće Firefox na wšěch swojich gratach za wěste, bjezposrědnje přehladowanje. Synchronizujće swoje graty, zo byšće swoje najlubše zapołožki, składowane přizjewjenja, hesła a přehladowansku historiju wšudźe sobu wzać. Sćelće nimo toho rajtarki mjez swojim telefonom a swojim desktopom, zo byšće pokročował, hdźež sće přestał.
Spěšnišo namakać
Dóstańće pytanske namjety w pytanskej lajsće a mějće spěšny přistup k sydłam, kotrež najčasćišo wopytujeće. Zapodajće swoje pytanske prašenje a dóstańće namjetowane a do toho pytane wuslědki w swojich najlubšich pytawach.
Mějće swójsku startowu wobrazowku
Dóstańće so k dźělam interneta, za kotrež so zajimujeće. Wobhladajće sej wočinjene rajtarki, najnowše pytanja, zapołožki a najlubše sydła na jednym městnje.
Wokryjće wjace wo tym, štož so wam spodoba
Wočińće nowy rajtark w Firefox, zo byšće sej swoje najčasćišo wopytane sydła, swoje najnowše zapołožki a woblubowane nastawki w Pocket wobhladał. Firefox wam spěšny přistup k wašim njedawno wužitym sydłam skići, zo by wam pomhał, spěšnišo waš cil docpěć.
Wo Mozilla
Mozilla eksistuje, zo by internet jako wšěm přistupnu zjawnu resursu wuwiwał, dokelž sej myslimy, zo wotewrjeny a swobodny stej lěpšej hač zawrjeny a kontrolowany. Wuwiwamy produkty kaž Firefox a Pocket, zo bychmy wuběr, transparencu a kontrolu spěchowali.
