Skrótšće puć přez internet z Firefox za Android
Wobhladajće sej swoje wočinjene rajtarki, najnowše pytanja a najlubše sydła na jednym městnje z wobhladowakom Firefox za Android.
Wobstarajće sej Firefox za Android
Skenujće QR-kod, zo byšće započał
Spěšny a priwatny
Firefox za Android bjezprócny škit priwatnosće z błyskospěšnym začitanjom stronow skići. Polěpšeny přesćěhanski škit awtomatisce tomu zadźěwa, zo přesćěhowaki wam w interneće slěduja a waše strony spomaluja.
Priwatnosć z jednym podótkom
Startujće priwatny modus z jenož jednym podótkom. A hdyž priwatny modus začinjeće, so waša přehladowanska historija awtomatisce z wašeho grata zhaša.
Swójske pytanje
Maće wulki telefon a palcy normalneje wulkosće? Žadyn problem. Firefox za Android wam zmóžnja, pytansku lajstu wothorjeka dodeleka přesunyć a wam tak wosnadnja, jenož jednu ruku wužiwać. Móžeće tež swójsku pytawu we wobhladowaku wubrać a Firefox jako swój standardny wobhladowak nastajić, jeli chceće.
Z ćmowym modusom milinu zalutować
Přeńdźće kóždy čas k ćmowemu modusej, zo byšće poćeženje wočow redukował a wukon swojeje baterije podlěšił.
Mějće swójsku startowu wobrazowku
Dóstańće so k dźělam interneta, za kotrež so zajimujeće. Wobhladajće sej wočinjene rajtarki, najnowše pytanja, zapołožki a najlubše sydła na jednym městnje.
Rozšěrće Firefox z přidatkami
Přidatki su kaž mócne małe nastroje, kotrež móžeće swojemu wobhladowakej přidać, zo byšće na přikład standardne nastajenja priwatnosće powyšił a waše dožiwjenje přiměrił.
Čińće tam dale, hdźež sće přestał
Dźiće njepřestawajcy wot swojeho telefona do swojeho laptopa, tableta a wróćo. Z Firefox na wšěch swojich gratach, móžeće swoje zapołožki, hesła, składowane přizjewjenja a přehladowansku historiju wšudźe sobu wzać.
Pytajće na startowej wobrazowce swojeho telefona
Njetrjebaće nałoženje wočinić. Přidajće pytanski asistent Firefox a přepytajće web direktnje wot startoweje wobrazowki swojeho grata.
Wideja k wašej wobrazowce připjeć
Wućehńće wideja z jich websydłow a připińće je horjeka na wobrazowce wašeho telefona, zo byšće sej wobhladał, mjeztym zo web přehladujeće a druhe wěcy činiće. Tak móžeće so zabawjeće, mjeztym zo wjacore nadawki spjelnjeće.
Wo Mozilla
Mozilla eksistuje, zo by internet jako wšěm přistupnu zjawnu resursu wuwiwał, dokelž sej myslimy, zo wotewrjeny a swobodny stej lěpšej hač zawrjeny a kontrolowany. Wuwiwamy produkty kaž Firefox a Pocket, zo bychmy wuběr, transparencu a kontrolu spěchowali.
