Čehodla wobstarujće sej Firefox za Chromebook?
W Chromebook je Chrome hižo předinstalowany, ale Firefox jako waš standardny wobhladowak ma hišće někotre lěpšiny:
- Stajnje aktiwny slědowanski škit: Po standardźe Firefox rozšěrjeny slědowanski škit (ETP) wužiwa, zo by waše wosobinske daty před znatymi wabjenskimi přesćěhowakami, socialnymi přesćěhowakami a skriptami kryptokopanja škitał, kotrež wam po interneće slěduja.
- Njewotwisna technologija so podpěruje: Dokelž najwjace wulkich wobhladowakow nětko na Chromium funguje, je mjenje móžnosćow, kotrež do mašiny wulkich technologiskich předewzaćow přechadźeja. Firefox so wot powšitkownosći wužitneje organizacije podpěruje a je za to mysleny, internet polěpšować. Z Firefox budźeće jeho dźěl.
Je ćežko Firefox za Chromebook instalować?
Bychmy sej přeli, zo by mjenje komplikowane było, ale waš Chromebook sej žada, was w ekosystemje Google Play wobchować. Myslimy sej wšak, zo so próca zadani, wobhladowak Firefox do wašeho Chromebook instalować – a mamy resursy, wam pomhać, jeli je trjebaće. Stej dwě móžnosći, z kotrymajž Firefox na waš grat dóstawaće.
Instalujće Firefox z wobchoda Google Play: při nowšich wersijach Chrome OS (na zakładźe x86 Chromebook, kotryž z Chrome OS 80 abo nowši běži), maće móžnosć, nałoženje Firefox za Android instalować. Tute nałoženje je so za mobilne graty wuwiło.
Instalujće Firefox jako nałoženje Linux: Trjebaće potom mjenje krokow, ale so zadani. Hdyž wobhladowak Firefox jako nałoženje Linux instalujeće, dóstanjeće desktopowy wobhladowak Firefox a wšě lěpšiny, kotrež ma, mjez nimi polěpšeny slědowanski škit, zatwarjeny zrjadowak hesłow, přistup k tysacam přidatkow (mjez nimi wabjenski blokowak uBlock Origin) a drastam, z kotrymiž móžeće napohlad swojeho wobhladowaka přiměrić. Zhońće wjace wo instalowanju desktopoweho wobhladowaka Firefox za Chromebook.