Internet bu tak wažny kaž elektricita a běžaca woda, tak je wažniše hač do toho, najlěpši wobhladowak wubrać. Internet je druhi běrow, wučer a druhdy medicinski radźićel, samo hdy by waš poprawny lěkar preferował, zo za swojimi symptomami online njehladaće.
Srjedź dźewjećdźesatych lět su Netscape, Internet Explorer a AOL krajinu dominowali. Běše jednoriši čas, hdyž słódka melodija wolenskeho interneta přez kraj zazwoni. Sće wuknył, sćerpny być, doniž so webstrony njezačitaja. Tehdy je so jenož spěšnosć wobhladowaka ličiła.
Dźensa to je hinak. Wabjenje, zranjenja priwatnosće, wěstotne dźěry a falšne powěsće wjedu k tomu, zo maće druhe kwality wobhladowaka za wažniše. Kak wobhladowak wašu priwatnosć škita? Dowoluje přesćěhowakam, zo wam po webje slěduja? Je so za multiprocesowe dźěło wutworił a zo by z wjele operacijemi ličaka a interneta naraz wobchadźał?
Jeli so sebje prašeće, što rěka, priwatny abo spěšny wobhladowak měć, tu je zestawa třoch wěcow, kotrež wobhladowak dyrbjał měć.
Wobhladowak, kotryž je so za spěšnosć wuwił.
Wobhladowak dźě je nastroj, tohodla je zmysłapołnje, zo za swoje dźěło najlěpši wuběraće. Jeli sće čłowjek, kotryž dyrbi dźěłać, zo by přežiwił, trjebaće spěšny internetny wobhladowak. Jedna wěc, kotruž dyrbiće sej spomjatkować, je. zo wobhladowak, kotryž přesćěhowaki třećich poskićowarjow wužiwa, je najskerje pomałši hač wobhladowak, kotryž to nječini. Přesćěhowaki třećich poskićowarjow su placki, a hačrunjež njemóžeće je widźeć, běža w pozadku sydła a płaći wam drohotny čas. Čim wjace přesćěhowaki třećich poskićowarjow wobhladowak blokuje, ćim spěšnišo móže běžeć.
To je jedna z wjele přičinow, zo byšće wobhladowak Firefox wubrał: Firefox po standardźe přesćěhowaki třećich poskićowarjow blokuje. Mamy hišće dalše přičiny, a budźemy so pozdźišo z nimi zaběrać.
Wobhladowak, za kotryž wěstota na prěnim městnje steji.
Dopominaće so na poslednju wulku datowu dźěru? Jeli nic, najskerje dokelž so to dosć husto stawa. Předewzaća daty kupcow wobchowuja, na přikład jich wosobinske abo financielne informacije a hackerojo je kradnu. Jeli wěstoće prioritu daće, je wěsty wobhladowak najlěpši wobhladowak za was.
Su někotre móžnosće, zo by wobhladowak pomhał, zo jeho wužiwarjo wěsći wostanu. Wobhladowak, kotryž je na najnowšim stawje wěstotneje techniki, móže waš ličak a websydła před njewitanymi wopytowarjemi škitać, na přikład před škódnej softwaru abo kompjuterowymi wirusami.
Nimo toho njeměł přewjele wužiwarskich datow składować. Hackerojo njemóža kradnyć, štož njeje, tohodla jenož minimum informacijow wo swojich wužiwarjach wobchowuje. Firefox wě, hač wobhladowak wužiwaće a waše powšitkowne stejnišćo, ale njewě mjeno wašeho domjaceho zwěrjeća abo wašu najlubšu barbu.
Wosebje wěsty wobhladowak měł nastroje poskićić, kotrež wam pomhaja, swoje konta we wóčku wobchować. Na přikład zdźělenki, kotrež so direktnje na wašu e-mejlowu adresu sćelu, jeli so jedyn z wašich konto rani abo symbole, kotrež wam zdźěleja, hač websydło je zaklučowane (t. r. hač je dobra ideja, čisło swojeje kreditneje karty na předawanskim sydle zapodać).
Firefox něšto noweho skići, zo by was wěsty dźeržał: Mozilla Monitor. Je darmotna słužba, kotraž wam zdźěla, hač su někajke zjawne datowe dźěry we wašich kontach a informuje, hač su so hižo w zańdźenosći do wašich kontow zadobyli. Druha spodobna funkcija je zeleny zamk. Wupada kaž mały zeleny symbol horjeka nalěwo we woknje wobhladowaka. Jeli z Firefox dźěłaće, a widźiće zeleny zamk, to rěka, zo websydło je zaklučowane a wěste. Jeli zamk je šěry, přemyslujće sej snano dwójce, hač sensibelne informacije zapodaće.
Wobhladowak,, kotryž so wo swoje naležnosće stara.
Priwatnosć we webje je wažna tema. Jeli je priwatnosć za was na prěnim městnje, sće wěsće na wobhladowaku zajimowany, kotryž to chutnje bjerje. Zo byšće sej najlěpši priwatny wobhladowak za was wubrał, dźiwajće na slědowanske směrnicy a na to, kak wobhladowak z wašimi datami wobchadźa. To drje jara technisce klinči, ale je přičina, zo někotre wobhladowaki su priwatniše hač druhe.
Přesćěhowaki su wšě te wobuzne „placki“, kotrež na přikład na sydłach lětanskich towarstwow dóstawaće. Tute přesćěhowaki třećich poskićowarjow wědźa, hdźež kliknjeće a dadźa so wužiwać, zo bychu waše zadźerženje analyzował. Priwatny wobhladowak měł wužiwarjam móžnosć dać, přesćěhowaki třećich poskićowarjow znjemóžnić, znjemóžńce wšak je w idealnym padźe po standardźe.
Druha móžnosć, zo by slědowanju přez přesćěhowaki zadźěwało, je wužiwanje priwatneho modusa. Kóždy wobhladowak, kotryž twjerdźi, priwatny być, měł přehladowanje w priwatnym modusu poskićić.
Lochka móžnosć, zo byšće to přepruwował, je, stronu wobsahowych nastejenjow a prawidła priwatnosće wopytać. Webstrona priwatnosće měła wuwjesć, hač so waše daty dźěla a čehodla. Tohodla móžeće prawidła priwatnosće Firefox lochko čitać a lochko namakać.
Wuběranje najlěpšeho wobhladowaka za was je kaž wuběranje swójskeho domu. Chceće swoje móžnosće wuslědźić, někotre rešerše přewjesć a na zakładźe toho rozsudźić, što je wažne za was.
Při Firefox smy ćežko dźěłali, zo bychmy wobhladowak wutworili, kotryž je dwójce tak spěšny kaž do toho a wužiwarjam wjace kontrole wo jich žiwjenju online dawa.