Ore heta aravo rohasa Ñandutípe rohechávo ta’ãngamýi, mba’ejogua, ñembosarái ha ñehepyme’ẽ, ikatuhápe romoinge tembiapo apopyrã ha ñehenói ta’ãngamýi rupive. Peteĩ Red Privada Virtual (VPN) ikatuhápe eguereko tekoñemi ha tekorosã ñandutípe, ha emo’ãvo ne mba’ekuaarã ha’etéva.
¿Mba’éicha omba’apo VPNs?
Ko VPN ha’e peteĩ tembiporu omoneĩva eikekuaa hag̃ua ñandutípe tekorosãme eime eimehápe. Ko VPN omba’apo omoheñóivo “túnel” hekorosãva ne mba’e’oka ha ne VPN me’ẽhára ha ne mo’ã añete mokõi mba’égui:
- Emokañývo nde IP kundaharape, emo’ãvo nde reratee ha ne rendaite.
- Ombopapapy pe jeikeita nde ha nde VPN me’ẽhára pa’ũme avave ani hag̃uáicha ombopapapy’o térã omoambue ndehegui.
Ymave, VPNs ojeporuvékuri mba’apohaguasúpe omoneĩ hag̃ua jeike tekorosãme oka guive ne mba’eporu hyepyguávape ha mba’ekuaarã ñemiguávape. Ko’ág̃a, upéicharõ jepe, VPNs oiporukuaa oimeraẽva omo’ãséva ijeike ñandutípe, péva oiko ojeporukuévo pyha imarãkuaáva ha’éva WiFi opavave oiporukuaáva, hákatu avei tuichamba’e pyha óga peguávape.
Peteĩ VPN omo’ãta jeporuguasu oikóva nde ha VPN me’ẽhára pa’ũme, taha’e kundahára térã tembiporu’i ha ambue mba’eporu. Emboheko hag̃uã VPN, emoheñoiva’erã mba’ete VPN me’ẽhára ndive ha emohenda VPN software ne mohendaha térã pumbyrýpe. Hendy rupihína, pe VPN ombohapéta jeporuguasu opa tembiporu’i ha software oku’evahína ne mba’e’okápe, ikatu hag̃uáicha eikundaha ha eñomongeta sãsóme peteĩ pyha hekoñemi ha hekorosãva rupive.
Pe VPN me’ẽhára ome’ẽse hetaichagua jekekuaarã hetaiterei hendápe arapy tuichakuépe, omoneĩva eiporúvo peteĩ IP kundaharape pe ne rendaitégui ambue hendápe. Péicha rupi, ko tenda eikeha ohecha ne rembiapo reñoiha pe IP VPN rehegua, ndaha’éi pe nde IP kundaharape. Mozilla VPN ombohape ne rembiapo peteĩ apopyvusu hekorosãva rupive ha omoneĩ eiporakuaávo peteĩ tendaite hetaiterei 30 tetã pa’ũmegui.
¿Araka’épa eiporuva’erã VPN?
Hetajey iporã eike WiFi ojeporukuaáva pyhápe, ndereguerekói mba’éramo ñanduti térã ne pumbyrýpe nog̃uahẽiramo. Péicha avei, eikéramo WiFi ojeporukuaáva pyha rupive ikatu hetajey naiporãmbái. Hasyeterei eime hag̃ua tekorosãme tapiaite oĩkuaahápe ambue tapicha oikéva avei nde reikehárupi oikuaaségui mba’etépa rejapo. Jepémo ne ñeikundaha ipapapy, ikatukuaa gueteri ohecha tenda eikeha. Ha eiporúramo tembiporu’i ipapapy’ỹva — jepémo ko árape, heta ndoguerekóiva — upéicha rupi ikatu ojehecha rejapóva eikundahakuévo.
Eimévo nde rógape, ikatu osẽ tekove ñaña nde pyha ogaguápe michĩvéta. Upéicharamo jepe, ne ñanduti me’ẽhára (ISP) ikatu ohapykueho ha omoherakuã ne rembiapo ñandutípe umi mba’ekuaarã ñanduti rupive eikeha oñemondo pyha rupi nde ISP-pe, oĩkuaahápe oñembopapapýva. VPN omboykekuaa umi ISP nde rapykuehóvo ha ombopapapývo nde VPN me’ẽhára toĩ oĩhápe.
Epyta, aimo’ã jeku’e ñandutigua ipapapýma HTTPS ndive…
Añetehápe heta ñanduti rendápe jeike hekorosã HTTPS ndive, he’iséva pe tetepy, hákatu ndaha’éi pe IP kundaharape ou térã ohohague, ipapapýva. Pe VPN ome’ẽ tekoñemiete omboykévo umi ñanduti renda ha mbohapyháva ohechávo IP kundaharape.
¿Mba’érepa eiporuva’erã VPN?
Eñomívo nde reratee ha emokañývo ne kundahakue ha’ete ku umi oiporukuaaitereívante mohendaha añónte ojapokuaáva térã hembiapo vaívante. Upéicharõ jepe, oĩ hetaiterei mba’eporã omboajéva pe VPN jeporu, oikehápe:
- Eikundaha ñanduti ñemiguávape.
- Eguerekóke nde róga renda térã umi tenda eikeveha ñemihápe.
- Emo’ã ñandutípe jeike WiFi rupive, taperyva’uha, pepoatãguejyha, ñemuha térã arandukarendápe.
- Emoañete pe ñemiguaitéva ha ñandutípe jeike reko.
- Embohasy umi maranduñemurã apohápe oiporúvo nde IP oñemoheñói hag̃ua mba’ete ombohapekuaáva ñemurã nde rapykuehokuaáva ñandutípe.
¿Mba’épa umi ivaikuaáva eiporukuévo VPN?
Heta mba’epytyvõrã me’ẽhára ojoko umi jeike ojejapóva peteĩ VPN rupive, ha péicha pe hetepýpe ndaikatúi ojeike emyandúvo pe VPN. Ndahetái VPN omboguejykuaa pe pya’ekue térã omomichĩ pe ancho de banda. Ha heta VPN oha’ã karape poruhára rekoñemi ha rekorosã.
¿Hekorosãpa ko’ã VPNs?
Hasyeterei ejuhu hag̃ua VPN jeroviaháva. Umi VPNs oguereko hembipotáramo poruhára ñemo’ã oñeikundaha jave, hákatu ndaopavavéi VPNs ojuehegua imba’eporukápe. Ejoguavove peteĩ VPN mba’eporu, eikuaaporãke mba’etépa pe remoneĩva. Hetaiterei oĩ he’íva ijehe tuichaha ha omomba’éva tekoñemi, hákatu hetave umi ndojapóiva pe iñe’ẽme’ẽ. Heta VPNs oĩ oñongatútava nde rapykuere ñandutípe ohepyme’ẽ hag̃ua uperire ne mba’ekuaarã ha marandu mba’apohaguasu marketing reheguávape. Ambue VPNs oñeha’ãta omohenda malware ne mba’e’okápe.
Hetaiterei romba’apo omomba’e hag̃ua Mozilla VPN nde rekoñemi ha avei eikuaáke rojapotaha ikatumíva upevarã. Mozilla oguereko jeroviapy omoheñoihápe apopyre ne ñepytyvõtava añetehápe ne marandu hekorosãtaha. Rohapykueho ore tekoñemi mba’ekuaarã rekoite hasy’ỹva imoñe’ẽ, kachiãi’ỹre oremoma’ẽva pe marandu roikotevẽva rome’ẽkuaa hag̃uáicha mba’eporurã oikótava añetehápe. Mozilla VPN rembiporupyahu ndahasýi iporu ha iporã añete ome’ẽtava poruhárape jeike pya’e VPN ñemo’ã ha rekorosã ndive. Ha umi VPN apoharépe oykeko peteĩ mba’apohaguasu ombohapéva ore rembiecharã, ejeroviakuaa pe viru eme’ẽva ko apopyre rehe ndaha’éi eguerkokuaátava tekorosã añónte, avei eipytyvõta ñanduti iporãvévo ko’ẽreíre.
¿Ko’ã VPNs omo’ãpa umi mba’evaiapohápe?
Peteĩ VPN ome’ẽkuaa jeike ñandutípe tekorosãme, nanemo’ãi opavave tapicha hekovaíva pérupigui. Eike vove ñandutípe, VPN térã hese’ỹ, ejesarekóke umi juajuha imarãkuaáva rehe, maranduvai moasãimbyre, tembiapo vai ha ambue imarãkuaáva. Eiko tekorosãme ñandutípe ko’áva ha’e ñamindu’u ára ha ára rehegua.
¿Hekovoñápiko ko’ã VPNs?
Emohenda ha eiporu VPN ojeporukuaáva opavave nunga tetãme, oĩhápe avei Estados Unidos, Reino Unido, Canadá ha Nueva Zelanda, hákatu ndahetái tetã ombohape ijeporu. Eiporavóramo peteĩ VPN jeporu, nde ehechava’erã tetãnguéra léi ohecha hag̃ua ijeporu ojokupytýpa pe léi he’iháicha.
¿Umi VPNsha’e mohendahápe g̃uarã añónte?
Umi VPNs ojeporukuaa oñemo’ã hag̃ua mba’e’okuéra — mohendaha, mohendaha’i, tabléta ha pumbyry. Eikévo ñandutípe tembiporu’i ijeheguíva rupive kundaháragui okápe, VPN ha’e eiporukuaáva emo’ã hag̃ua tekoñemi ha tekorosã oimeraẽva mba’e’okápe. Emohendava’erã VPN peteĩteĩ mba’e’okápe oiko porã hag̃ua. Mozilla VPN ome’ẽ peteĩ jeike hu’ã’ỹva oiporukuaáva po mba’e’oka peve eike vove ñandutípe oimeraẽva tembiporu’i térã kundahára guive.
Mozilla VPN: Ipya’e, hekorosã, jeroviaha
Mozilla VPN ha’e mba’eporu ejeroviakuaaha eike meme hag̃ua ñanduti hekorosãvape opaite ne mba’e’oka rupive. Noroñongatúi ne rembiapokue rehegua pyhagua ha ndorojuajúi mbohapyháva ndive omoheñoiséva mba’ete ejapóva guive ñandutípe oikuaaségui. Peteĩ jeikove oĩhápe jeikuaa’ỹ ha opavave ndohechakuaáiva, roikuaa emomba’eguasuha tekorosã ha eikuaa opamba’e ejapóva ñandutípe nemba’e añohánte.