Mozilla he’ipyre

Moñepyrũ

Ñandutígui oiko peteĩ mba’e tuicháva opavave rekovépe g̃uarã.

Mozilla apopyrã ha’e ava rekoha arapygua mba’e ogueroviáva pe juruja, ñembopyahu ha pa’ũ iporãha Ñanduti resãirã. Pe 1998 guive ñamba’apo oñondivepa ñanduti ha’e hag̃ua opavavépe g̃uarã. Rojekuaave romoheñói haguére pe ñanduti kundaha Mozilla Firefox.

Mozilla apopyrã oguereko mba’éichapa omboguatáta hembiapo ha’éva tekohakuéra ndive ikatuhápe omoheñói software ijurujáva, iporã añetéva ha omboguata tembiapo oñondiveguáva. Romoheñói ava rekoha oñeha’ãva ojapo ñanduti opavavépe g̃uarãva.

Ko’ã ñeha’ã rupive, rojapohína heta mba’e iporãmbajepéva ñanduti ikatu hag̃uáicha oiko opavavéva mba’éramo, péicha avei oma’ẽ ñemurã reheguáre. Ko’ápe rombopapappy ãva.

Umi hupytyrã je’epyre rehegua ha’e:

1. emboaje ñanduti rembiecha Mozilla poruhára oipotáva ohapykuehóva Mozilla Foundation;
2. ñoñmongeta opavave ndive, oikuaa térã ndoikuaáiramo jepe aporeko;
3. rohechase Mozilla pytyvõharakuérape cherovúpe rojapóva rehe ha kóva tomokyre’ỹ jeku’erã; ha
4. eme’ẽ kyta ñepyrũha ambue tapicha omboha’eve hag̃ua Ñanduti rembiapo.

Ko’ã ypygua ndoikomo’ãi ha’eñorei. Oñeikotevẽ tapicháre oiko hag̃ua ñandutígui pa’ũ ijurujáva ha ojeikekuaahápe, ava omba’apóva ha’eño ha heta ndive, ha tapicha moakãhára. Ko Mozilla Foundation oñeha’ãta oku’e tenonde gotyo he’ihácha Mozilla je’epyre. Roipepirũ opavave oikesévape guive orendive ha, péicha, jajapo hag̃ua ñandutígui tenda iporãvéva tapichakuérape g̃uarã.

Ñepyrũgua

1. Ñanduti ha’e tekotevẽpy tuicháva teko ko’ag̃aguápe — tekotevẽtereíva kuaapýpe g̃uarã, ñomongetarã, ñepytyvõrã, ñemũrã, ñembosarairã ha ava’aty opavavete oikehápe.
2. Ñanduti ha’e peteĩ mba’e ava rembiporu arapyguápe g̃uarã ijurujáva ha jeikekuaaha.
3. Ñanduti oipytyvõva’erã opavave yvypóra rekove.
4. Pe tekorosã ha ñemo’ã poruhára mba’ekuaarã ñanduti pegua ha’e tekotevẽtéva ha ndojehecháiva’erã peteĩ ikatúrõnte.
5. Poruharakuéra ijeheguiva’erã omboheko hag̃ua ñanduti ha ijehasakue pype.
6. Pe ñanduti ñemoañete ha’e peteĩ mba’e opavavépe g̃uarã oiko umi tembiapo (tembiapo katupy, mba’ekuaarã, hetepy) mba’epyahu, ñeĩha pehenguekuéra yvy arigua oparupiete.
7. Pe software reigua ha ayvu ijurujáva omongu’e ñanduti jekakuaa opavave mba’éramo.
8. Umi tembiapo hesakãva oikóva tapicha ndive ohechauka oñeĩha oñondive añetete ha opaichaite.
9. Ñanduti jeporu ñemurãva ogueru heta mba’e porã iñemboguatápe; tekotevẽnte ijoja viru rehegua ha mba’eporã opavavépe g̃uarãva.
10. Embotuicha ñanduti mba’e porã opavépe g̃uarãva ha’e hupytyrã tuicha mba’éva, oguerekova’erã ára, ma’ẽag̃ui ha jejapose.

Mozilla he’ipyre riregua

Heta hendáicha ikatu ñaipytyvõ okakuaa hag̃ua Mozilla je’epyre. Romoakãraku heta tembiapo ikatu hag̃ua oñemongu’e ha roha’ãrõ rojuhúvo opavavégui katupyry añete Mozilla pytyvõhára ohechauka haguéicha ambue tembiaporãme. Umi tapicha noĩriva tuichaháicha Mozilla rembiaporã ndive, ko’ãva oiko hag̃ua eiporuva’erã Mozilla Firefox térã ambue apopyrã ohechaukáva pe je’epyre.