Dostańśo se na swójom iPhone a iPad malsnjej tam, źož cośo byś.
Woglědajśo se swóje wócynjone rejtariki, zajźone pytanja a nejlubše sedła na jadnom městnje z wobglědowakom Firefox Browser za iOS.
Wobstarajśo se Firefox za iOS
Skannujśo QR-kod, aby zachopił
Firefox k wašomu standardnemu wobglědowakej cyniś
Něnto mógu wužywarje iPhone a iPad swójski standardny wobglědowak wubraś. To groni, až njetrjebaśo Safari wužywaś a waš mobilny wobglědowak dajo se kuždy cas z wašym nejlubšym desktopowym wobglědowakom synchronizěrowaś. Mimo togo, gaž Firefox ako swój standardny wobglědowak nastajaśo, pódpěraśo njewótwisne technologiske pśedewześe. Firefox jo teke jadnučki wjeliki wobglědowak, kótaryž organizacija pódpěra, kótaraž jo za wše wužytna.
Malsny. Priwatny. Wěsty
Źaržćo swóje wósobinske daty priwatne, bźez togo aby wusoku malsnosć woprował. Mimo togo daju inteligentne pśeglědowańske funkcije móc, swóju priwatnosć, gronidła a cytańske znamjenja wěsće wšuźi sobu wześ, což waše žywjenje online wólažcujo.
Wostańśo priwatny online
Firefox wam wětšy šćit priwatnosći bitujo, mjaztym až sćo w interneśe. Pó standarźe naš Pólěpšony pśeslědowański šćit pśeslědowaki a skripty ako pśeslědowaki socialnych medijow, sedła pśesegajuce cookiejowe pśeslědowaki, kryptokoparje a palcowe wótśišće blokěrujo.
Waša pśeglědowańska historija jo historija
Jolic cośo, móžośo cele jadnorje w priwatnem modusu online hyś a pytaś. A gaž priwatny modus zacynjaśo, se waša pśeglědowańska historija a waše cookieje awtomatiski z wašogo rěda wulašuju.
Wobstarajśo se wěcej Firefox w swójom žiwjenju
Pśidajśo Firefox na wšych swójich rědach za wěste, njepósrědne pśeglědowanje. Synchronizěrujśo swóje rědy, aby swóje nejlubše cytańske znamjenja, skłaźone pśizjawjenja, gronidła a pśeglědowańsku historiju wšuźi sobu wześ. Sćelśo mimo togo rejtariki mjazy swójim telefonom a swójim desktopom, aby pókšacował, źož sćo pśestał.
Malsnjej namakaś
Dostańśo pytańske naraźenja w pytańskej rědc a mějśo malsny pśistup k sedłam, ku kótarymž se nejcesćej woglědujośo. Zapódajśo swóje pytańske pšašanje a dostańśo naraźone a do togo pytane wuslědki w swójich nejlubšych pytnicach.
Mějśo swójsku startowu wobrazowku
Dostańśo se k źělam interneta, za kótarež se zajmujośo. Woglědajśo se wócynjone rejtariki, nejnowše pytanja, cytańske znamjenja a nejlubše sedła na jadnom městnje.
Namakajśo wěcej wó tom, což se wam spódoba
Wócyńśo nowy rejtarik w Firefox, aby se swóje nejcesćej woglědane sedła, swóje nejnowše cytańske znamjenja a woblubowane nastawki w Pocket woglědał. Firefox wam malsny pśistup k wašym njedawno wužytym sedłam bitujo, aby wam pomagał, malsnjej waš cel dostaś.
Wó Mozilla
Mozilla eksistěrujo, aby internet ako wšym pśistupnu zjawnu resursu wuwijał, dokulaž se myslimy, až wótwórjony a lichy stej lěpšej ako zastajony a kontrolěrowany. Wuwijamy produkty ako Firefox a Pocket, aby wuběrk, transparencu a kontrolu spěchowali.
