Wótkrocćo drogu pśez internet z Firefox za Android
Woglědajśo se swóje wócynjne rejtariki, nejnowše pytanja a nejlubše sedła na jadnom městnje z wobglědowakom Firefox za Android.
Wobstarajśo se Firefox za Android
Skannujśo QR-kod, aby zachopił
Malsny a priwatny
Firefox za Android šćit priwatnosći ze spěšnučkim zacytanim bokow bźez procy bitujo. Pólěpšony pśeslědowański šćit awtomatiski tomu zajźujo, až pśeslědowaki wam w interneśe slěduju a waše boki spómałšuju.
Priwatnosć z jadnym dotyknjenim
Startujśo priwatny modus z jano jadnym dotyknjenim. A gaž priwatny modus zacynjaśo, se waša pśeglědowańska historija awtomatiski z wašogo rěda wulašujo.
Swójske pytanje
Maśo wjeliki telefon a tłuste palce normalneje wjelikosći? Žeden problem. Firefox za Android wam zmóžnja, pytańsku rědku wótgórjejka dodołojka pśesunuś a wam tak wolažcujo, jano jadnu ruku wužywaś. Móžośo teke swójsku pytnicu we wobglědowaku wubraś a Firefox ako swój standardny wobglědowak nastajiś, jolic cośo.
Ze śamnym modusom milinu zažariś
Pśejźćo kuždy cas k śamnemu modusoju, aby póśěženje wócowu reducěrował a wugbaśe swójeje baterije pódlejšył.
Mějśo swójsku startowu wobrazowku
Dostańśo se k źělam interneta, za kótarež se zajmujośo. Woglědajśo se wócynjone rejtariki, nejnowše pytanja, cytańske znamjenja a nejlubše sedła na jadnom městnje.
Rozšyŕśo Firefox z dodankami
Dodanki su ako mócne małe rědy, kótarež móžośo swójomu wobglědowakoju pśidaś, aby na pśikład standardne nastajenja priwatnosći pówušył a waše dožywjenje pśiměrił.
Cyńśo tam dalej, źož sćo pśestał
Źiśo mimo pśestanka wót swójogo telefona do swójogo laptopa, tableta a slědk. Z Firefox na wšych swójich rědach, móžośo swóje cytańske znamjenja, gronidła, skłaźone pśizjawjenja a pśeglědowańsku historiju wšuźi sobu wześ.
Pytajśo na startowej wobrazowce swójogo telefona
Njetrjebaśo nałoženje wócyniś. Pśidajśo pytański asistent Firefox a pśepytajśo web direktnje wót startoweje wobrazowki swójogo rěda.
Wideo k wašej wobrazowce pśipěś
Spórajśo wideo z jich websedłow wen a pśipějśo je górjejce na wobrazowce wašogo telefona, aby se woglědał, mjaztym až web pśeglědujośo a druge wěcy cyniśo. Tak móžośo se rozdrosćiś, mjaztym až někotare nadawki wobstarajośo.
Wó Mozilla
Mozilla eksistěrujo, aby internet ako wšym pśistupnu zjawnu resursu wuwijał, dokulaž se myslimy, až wótwórjony a lichy stej lěpšej ako zastajony a kontrolěrowany. Wuwijamy produkty ako Firefox a Pocket, aby wuběrk, transparencu a kontrolu spěchowali.
